ФБИ ќе помогне во истрагите за серијата бомбашки експлозии на Велигден во неделата, што ја потресоа островската нација Шри Ланка, објави во средата Американската амбасада во Коломбо, пренесува „Спутник“.
„Американската амбасада во Коломбо потврди дека ФБИ помага во истрагата за експлозиите во неделата во Шри Ланка”, се наведува во извештајот на претставникот на американската амбасада.
Најавата дека САД ќе помогнат во истрагата за експлозиите во Велигден во неделата, кои беа насочени кон цркви и хотели, е одговор на барањето на Шри Ланка за американска помош.
Во вторникот, терористичката Исламска држава ја презеде одговорноста за нападите, но не го докажа своето тврдење со никакви докази.
Во понеделникот Интерпол распореди тим за одговор на инциденти (IRT), кој вклучува специјалисти за испитување на местото на злосторство, експлозиви, борба против тероризмот, идентификација и анализа на жртви од катастрофи, за да им помогне на националните власти во истражувањето на бомбашките напади.
