Фановите на Реал Мадрид повикаа на оставка на претседателот на клубот Флорентино Перез за време на натпреварот со Хетафе, кој заврши 0:0.
Непосредно пред одморот на „Алфонсо Перез”, навивачите покажаа голем банер со јасна порака: „Флорентино, оди си”. Обезбедувањето брзо се погрижи пораката да биде скриена.
Ова е второ гостување на Реал во кое фанови на 13-кратниот европски шампион го покажуваат своето незадоволство од Перез поради првата сезона од 2014/15, во која тимот ќе заврши без голем трофеј.
