Шпанската полиција мораше вчера во Мадрид да ги оддалечи од бината, активистките на движењето „Фемен“, кои се појавија пред почетокот на предизбирниот митинг на екстремно-десничарската партија „Вокс“.
Најмалку три активистски на движењето се качија на бината извикувајќи: „Тоа не е патриотизам, тоа е фашизам“, додека имаа исти такви пораки испишани на голите гради, јави „АП“.
Жените набрзо од бината ги отстранија припадниците на обезбедувањето, шпанската полиција и симпатизерите на „Вокс“.
„АП“ наведе дека се очекува „Вокс“ да освои значаен број на пратенички места на изборите в недела.
