Еден од првите фирми продавачи на комјутери, комјутерска опрема и бела техника во државава деновиве стави клуч на сите продавници, неофицијално дознава 24 инфо. Затворени се и големите нивни маркети по трговските центри низ државава. Вработените велат дека веќе трет месец не им е исплатен личен доход и за нашиот медиум објаснуваат дека најверојатно фирмата ќе оди во стечај. Според нивното кажување веќе неколку банки биле во продавниците изминатава недела и правеле пописна робата која ја затекнале. Вчера и денес се обидовме неколку пати да добиеме некаква информација но на телефоните кои се оставени на нивната веб страна никој не се јавува.
(В.А.)
