Скопјанка тешко повредена откако била прегазена од возило, вчера во скопската населба Радишани.
Според полицијата, сообраќајката се случила во 7.50 часот на крстосницата од улиците Скоевска и Радишанска во Скопје. Возило „фолксваген ап“ со скопски регистарски ознаки, управувано од В.С.Б.(45) од Скопје, удрил во пешакот Н.К.(83) од Скопје.
Од ударот Н.К. била тешко повредена и со истото возило била пренесена во Градската општа болница „8-ми Септември“ каде и била укажана лекарска помош. Увид на местото на настанот извршила екипа од СВР Скопје.
