Социјалдемократите во Финска денеска соопштија дека ќе се обидат да формираат коалициска влада на левиот центар со Партијата на центарот и тројца помали партнери, по парламентарните избори одржани минатиот месец.
Социјалдемократите (СДП) победија на изборите на 14 април со рекордно ниско ниво од 17,7 отсто од гласовите, што ги принуди да се здружат со други партии за да формираат влада.
Претседателот на партијата Анти Рине изјави дека ќе работи на формирање коалиција со Партијата на центарот на премиерот во заминување Јуха Сипилjа, која освои 13,8 отсто од гласовите, додека другите партнери ќе бидат Зелените, Левата алијанса и Шведската народна партија.
