Вчера во болница во Валево беше примена 29-годишна жена за која беше утврдено дека се породила во текот на ноќта.
Најпрво не сакала да каже каде е бебето, но подоцна почнале да се сомневаат дека детето е убиено.
Според „Телеграф“, во полското веце во близина на семејниот дом, полицијата пронајде постелка со големо количество крв, а потоа и мртво тело.
Жената сè уште е во болница, каде што треба да ѝ се направат психијатриските испитувања за да се утврди нејзината психолошка состојба. Од тоа зависи дали ќе биде осомничена за чедоморство или убиство на дете.
Според „Телеграф“, обдукцијата открила дека момчето е родено живо во 9-тиот месец од бременоста и дека потоа настапила насилна смрт. Полицијата го пронајде бебето во јама на полско веце во дворот и се сомнева дека мајката го задавила штотуку роденото бебе и го фрлила во јама.
