Група бродови на руската Северна флота предводена од големиот антиподморнички брод „Североморск“ влегоа во Норвешкото Море на пат кон домашната база, објави прес-службата на флотата, пренесува ТАСС.
„ Бродот „Североморск “и танкерот „Вјазма“ влегоа во јужниот дел на Норвешкото Море и се упатија кон Североморск, главната база на Северната флота, каде што се очекува да пристигнат кон крајот од неделава, “се вели во соопштението.
На 9 мај, бродовите го преминаа каналот Ламанш, каде што екипажите изведоа митинг во чест на 74-годишнината од победата во Големата патриотска војна, соопштија од прес-службата.
За време на долгото патување, кое почна во јули 2018 година, „Североморск“ помина низ Атлантскиот и Индискиот Океан, учествуваше на Главната поморска парада во Кронштад и во заедничките вежби на Руската морнарица во Средоземното Море. Исто така, изврши голем број воено-дипломатски задачи, ги посети пристаништата во Алжир, Викторија, Пемба, Анцирарана и Џибути и учествуваше во руско-пакистанската антипиратска вежба наречена „Арапски монсун 2018”.
Бродот беше реконструиран во Севастопол од средината на јануари до почетокот на март, по што продолжи со работа во Средоземното Море.
