Во македонското угостителство постојат многу црни точки во подготовката на храна, особено кога не се почитуваат правилата за безбедност при подготовка на храната или кога не се внимава на критичните точки– вели Јаким Митрески, основач на Hospitality Expert Macedonia, фирма која се занимава со подобрување на квалитетот на угоститеските објекти. Тој за 24 инфо вели дека опасноста може да произлезе и кога не се познаваат доволно добро методите на подготвување на одредена храна која може и да биде сосема невкусна, па и штетна по здравјето на клиентите доколу не се обработи термички или на соодветен начин.
Hospitality Expert Macedonia е нешто сосема ново на македонскиот пазар, но членовите кои го сочинуваат тимот се врвни познавачи на својата работа. Еден од нив е светски познатиот и голем екперт во нашата бранша Саша Мишиќ, кои веќе 25 години го работи истото, но на еден многу пинаков начин, оригинален и целосно независен. Услугите кој ги нудиме е секако подобрување на квалитетот на работата во било кој угостителски објект од сендвичара за која можеме да понудиме незаборавни комбинации на брзата храна со нови и модерни методи на подготвување,па се до луксузни хотели, ресорти.
Листата на нашето портфолио е голема, нудиме многу услуги буквално имаме решение за секој проблем кои може да ги заглави сопствениците на угостителски објекти; проблеми со вработени, менаџментот на објектот, па се до согледување на проблемите на терен и изнаоѓање на решение соодветно за објектот. Нудиме исто така соработка на подолг период со објекти кој сакаат да ги добиваат нашите услуги во текот на целата година, во тој случај ги следиме сите случувања во тој угостителски објект и со постојани извештаи нудиме решениа како во менаџментот така и на терен. Морам да напоменам дека нашата цел во еден објект е да го извадиме најдоброто од него, а не да ги критикуваме и да бараме виновници. Сите во секој угостителски објект се вработени бидејќи ја сакаат таа работа, но најчесто не им се даваат соодветните насоки за како да ја работат нивната работа. Во иднина сакаме и да поставиме некои наши интерни стандарди преку разни признанија кои би ги доделувале на објекти кој би ги исполниле сите услови за да добијат ознака во вид на налепница која ке означува и ќе биде препознатлива од страна на сите посетители и ќе означува дека во тој објект се исполнети сите стандарди.
Колку сопствениците на македонските ресторани сезаинтересирани за услугите кои ги нудите?
Како што кажав како Hospitality Expert Macedonia се уште сме во нови на македонскиот угостителски пазар, но како поединци имаме големо искуство. Јас лично имам неколку проекти изработени, од новоотворени се до постоечки објекти. Можам да кажам дека се повеќе добиваме поддршка не само од сопствениците туку и од вработените кои сакаат нивните спосбности конечно да бидат согледани и потвредни од професионалци.
Каде е македонското угостителство во однос на европските и светските реномирани ресторани?
Многу е тешко да се споредиме со европските или светските реномирани угостителски објекти, не затоа што немаме познавање или немаме кадар, туку условите во кои работат нашите угостители не се ни приближно до оние на нашите соседи, а камо ли пошироко. Сопствениците се соочуваат со нелојална конкуренција, нема доволно закони кои се во полза на угостителите и угостителскиот кадар. Што се однесува до тоа каде е македонското угостителство, секако е на високо ниво, а како доказ за тоа е многубројниот кадар кој е се по почитуван во сите големи туристички метрополи.
Колку се користат светските искуства во однос на квалитетна храна, системи на безбедност на храна и слично од нашите угостители?
Се трудиме да го извадиме секогаш најдоброто, но со овдешните услови и можности што ги имаме. Храната има многу различни точки од кои би го оценувале квалитетот, дали станува збор за намирниците, кои во нашата земја се со многу добар квалитет, или за подготвувањето на истите па се до склопувањето на еден рецепт. За жал голем дел од нашите ресторани, сакајќи да ги воодушеват нивните потрошувачи, користат скапи намирници кои не се зготвени туку одапред подготвени така што не се готви туку се “склопува”, тоа значи дека се помалку се обрнува внимание на квалитетот на зготвената храна. Околу ситемите за безбедност можам да кажам дека се повеќе се разбира важноста за нивното почитување но и имплементирање.
Дали храната која се служи кај нас има црни точки во текот на подготовката на кои треба да се обрне внимание од страна на нашите ресторани?
Од моја гледна точка, постојат многу црни точки во подготовката на храна, особено како што кажав и погоре, кога не се почитуваат правилата за безбедност при подготовка на храната и кога не се внимава на критичните точки. Опасноста може и да произлезе и кога не се познаваат доволно добро методите на подготвување на одредена храна која може и да биде сосема нефкусна па и штетна по здравје доколу не се обработи термички или на соодветен начин. Не е само знаењето на персоналот кога станува збор за критични точки во готвењето туку и условите во кој готват, за жал сакајќи да заштедат во кујнската опрема се ризикува во поглед на квалитетот на истата.
Колку во Македонија има стручен кадар во однос на образование од оваа дејност?
За жал мал е бројот на оние кој од школска возраст ја препознаваат љубовта кон угостителството, секој студент или тинејџер се препознава како угостител во период кога сакајќи да заработи се вработува во угостителски објекти. Ова струка не е добро котирана на нашиот пазар, да си келнер или готвач кај нас нема големо значење, сигурно сте слушнале родители кои ги подучуваат својте деца “ДЕТЕ ЗЕМИ УЧИ, НЕМОЈ КЕЛНЕР ДА БИДЕШ” . Oд тука и малиот одзив во угостителските средн училишта. Интернетот има големо учество во формирањето на кадар во угостителството па затоа можеме да сретнеме се повеќе млади луѓе кои готват според некои you toube рецепти, но за жал со тоа не значи дека ја совладале содветната техника и од тука оние самоквалификувани шефови кои ја попречуваат работата на оние кои од средно училиште ја негуваат оваа струка.
Валентина Ангеловска
фото: Слободан Ѓуриќ
