Во Министерството за внатрешни работи треба колективно самораспуштање, а не метлата што ја промовира премиерот Зоран Заев, порачаа од Независниот полициски синдикат на денешната прес-конференција пред МВР, пренесува Макфакс.
„Има раководни лица што ниту една власт не може да ги смени. Повеќе од 30 години седат во фотелјите и не им е грижа за состојбата во полицијата. Министерот треба да се запраша за реалната состојба, а не да верува во лажната слика што тие му ја креираат. Згора на сè, за пропустите на раководителите се казнуваат полицајци со глоба и со дисциплински постапки. Доколку сакаат европска полиција, треба да има вистинска реорганизација“, порача Делчев Тодев.
