Италијанскиот клуб Рома ја одби официјалната понуда на лондонскиот Вест Хем Јунајтед за Един Џеко.
Според италијанските медиуми, англискиот клуб понудил 10 милиони евра, што за „волчицата” не е ни блиску до износот што го очекувала.
Имено, римјаните бараат 20 милиони евра за услугите на Џеко, но медиумите претпоставуваат дека тој ќе биде ослободен од својот клуб и за 15 милиони евра.
Един игра фантастично последниве четири сезони во Рома, постигнал 87 голови, со што го заземал седмото место на листата на најдобрите стрелци во историјата на клубот.
