Осомничениот на 23 мај годинава нападнал двајца полицијци кои извршувале судска наредба за негово присилно приведување, информираат од ОЈО.
Основниот суд Охрид издал наредба за присилно приведување на лицето, кое не се јавувало на судски рочишта во судот каде е обвинет за кривично дело тешка кражба. При обидот на полицајците да го приведат, осомничениот ги нападнал, а на едниот од нив му нанел повреди.
Со тоа, осомничениот сторил кривично дело напад врз службено лице при вршење работи на безбедноста од член 383 став2 во врска со став 1 од Кривичниот законик.
Постапувајќи по поднесена кривична пријава, надлежниот јавен обвинител од Основното јавно обвинителство Битола поднесе Предлог за определување притвор за осомничениот бидејќи ценеше дека се исполнети законските основи. Предлогот на обвинителството беше прифатен од страна на судот кој со решение определи притвор за обвинетиот во времетраење од 8 дена.
