Официјалните малезиски претставници соопштија дека угина последниот машки суматрански носорог, што е удар за напорите за зачувување на загрозените видови во таа земја.
„Носорогот наречен Там имаше околу 30 години и живееше во резерватот за диви животни во државата Сабах на островот Борнео откако беше фатен во 2008 година“, вели Кристина Лиев, државна министерка за туризам, култура и животна средина, според британски „Телеграф“.
Malaysia mourns 'loss of a species' as male Sumatran rhino dies https://t.co/hC7XeYeNEG
— Al Jazeera English (@AJEnglish) May 28, 2019
Суматранскиот носорог, најмалиот вид на носорог, беше прогласен за исчезнат во дивината во Малезија во 2015 година.
Експертите за дивиот свет проценуваат дека има само 30 до 80 суматрански носорози во светот, главно на индонезискиот остров Суматра и на индонезиската страна на Борнео.
"Our hearts are filled with sadness as we mourn not only the loss of wildlife, but the loss of a species."
😢😭😰 Goodbye Tam.
Malaysia's last Sumatran male rhino dies: https://t.co/0OSqgnzRD3 pic.twitter.com/pUAan9gIur
— ABC Science (@ABCscience) May 28, 2019
Главни причини за изумирањето на овој вид се изолацијата, спреченоста да се размножуваат и ловокрадството, па тој може и да изумре за неколку децении, тврди конзерваторската група Интернејшнл рајно фаундејшн.
Лиев додава дека генетскиот материјал на угинатиот мажјак е сочуван заради натамошни обиди за размножување преку вештачко оплодување.
