Владата на Република Северна Македонија очекува Извештајот на Европската комисија за напредокот на земјава да биде позитивен, рече владиниот портпарол Мухамед Хоџа на денешната прес-конференција.
– Голем дел од обврските што ги имаме како земја во процесот кон интегрирање кон Европската Унија се спроведени и ние продолжуваме со спроведување на сите реформски закони и работи што ги имаме како домашна задача, рече Хоџа.
