„Ворнер Брос“ издаде уште една најава за третото, најново продолжение на франшизата за куклата Анабела под наслов „Annabelle Comes Home“. Трејлерот е многу страшен и веќе стана хит кај гледачите кои одвај чекаат да го видат новото продолжение на популарниот хорор.
Гери Дауберман работеше на претходните два филма за Анабел како сценарист, а сега ја презеде улогата на режисер. Во новото продолжение глумат Патрик Вилсон и Вера Фаргига, кои проколнатата кукла ја ставаат на сигурно место, зад светото стакло и со благослов на свештеник. Сепак, Анабел ги буди злите духови во собата и тие наоѓаат нова жртва – 10-годишната Џуди (McKenna Grace), ќерка на Ед и Лорен, но и нејзините пријатели.
