Американскиот претседател Доналд Трамп, кој e во посета на Велика Британија, го критикуваше градоначалникот на Лондон, Садик Кан кој претходно посетата на Трамп ја нарече тажен настан.
„Садик Кан кој очигледно лошо работи како градоначалник на Лондон, беше глупаво „одвратен“ кон претседателот на САД, најважниот сојузник на Велика Британија”, напиша Трамп на својот профил на „Твитер“.
„Тој е комплетен губитник кој треба да се фокусира на криминалот во Лондон, а не на мене”, продолжи Трамп.
„Кан ме потсетува многу на нашиот многу глупав и некомпетентен градоначалник на Њујорк, Де Бласи, кој исто така лошо работеше. Во секој случај, се радувам што ќе ѝ бидам голем пријател на Велика Британија и многу сум среќен за мојата посета”, напиша Трамп на пат кон Британија.
Критиките на Трамп доаѓаат како одговор на споредбата на американскиот претседател со фашистите од 20 век која претходно ја даде Садик Кан. Кан го критикуваше Трамп пред планираната посета на Велика Британија, обвинувајќи го претседателот за поддршката на десничарските националисти.
….Kahn reminds me very much of our very dumb and incompetent Mayor of NYC, de Blasio, who has also done a terrible job – only half his height. In any event, I look forward to being a great friend to the United Kingdom, and am looking very much forward to my visit. Landing now!
— Donald J. Trump (@realDonaldTrump) June 3, 2019
