Поранешниот американски државен секретар Џон Кери призна дека исходот од референдумот во Крим 2014 година ја рефлектира волјата на народот, но наместо јавно да го признае, тивко повика на повторено гласање, тврди рускиот шеф на дипломатија Сергеј Лавров.
Во големо интервју за „РБК”, Лавров, изјави дека државниот секретар на администрацијата на Обама, Џон Кери, се согласил со Москва дека референдумот од март 2014 година во Крим, на мнозинството гласаше за повторното обединување со Русија, ја одразува волјата на народот.
Во исто време, Кери, наводно, побарал од Москва повторно да го спроведе референдумот заради протоколот.
„Нема да откријам голема тајна ако кажам дека Кери во април 2014 година ми рече: Се е јасно, се случи онака како што сака народот на Крим. Но, поради формата, одржете уште еден референдум”, раскажа Лавров.
„Ако веќе сфаќате сè, зошто да ги тераме луѓето повторно да гласаат?” го прашал Лавров, објаснувајќи го размислувањето на Кремљ.
Лавров, кој е еден од најискусните и најистакнати руски официјални претставници по 2004 година, изјави дека се надева оти неговите откритија нема да ја расипат неговата врска со Кери.
„Се надевам дека Џон нема да се навреди од моите зборови”, рече Лавров, додавајќи дека Кери, во своите мемоари, исто така, споменал дел од нивните тет-а-тет разговори.
Лавров и Кери беа во добри односи за време на неговиот мандат како државен секретар од 2013 до 2017 година – нивниот однос беше заслужен за потпишување на договорот од 2013 година за уништување на сириското хемиско оружје.
Кери веројатно никогаш нема да признае дека го признал референдумот во Крим – со оглед на сегашната официјална позиција на Вашингтон.
САД жестоко се спротивставија на идејата за референдум дури и пред тој да се случи, прогласувајќи го гласањето неважечко во резолуцијата на Советот за безбедност на ОН, која подоцна доби вето од Русија.
Прво САД, па ЕУ ѝ наметнаа санкции на Русија и пред и по референдумот. Во јавноста, самиот Кери не се воздржуваше, велејќи дека пристигнувањето на руските сили на Крим по барање на локалните власти претставува инвазија, и дека референдумот е изнуден и лажен.
Тој став не се промени со промената на власта во Вашингтон. Портпаролот на Стејт департментот, Роберт Паладино, неодамна го нарече гласањето „т.н. под закана со оружје“.
