Амбасадорот на Мисијата на ОБСЕ во Тирана, Бернд Бошард, одговорајќи на интересот на медиумите за последните случувања во Албанија, одложувањето на локалните избори од страна на претседателот на Републиката Илир Мета и иницијативата на владејачкото мнозинство за негово разрешување, рече дека тоа се внатрешни прашања и оти институциите се тие кои ќе одлучат кој е во право.
-Тоа се прашања на Парламентот и на Уставниот суд. Албанските институции ќе изберат која страна има најдобри правни аргументи. Сигурен сум дека политичките партии ќе го направат најдоброто, рече амбасадорот.
Прашан дали ќе има избори на 30 јуни Бошард со одговор дека албанските институции се тие кои ќе донесат одлука за тоа, додавајќи дека „тоа се тешки прашања од законска гледна точка”.
Во врска со делот на изјавата на претседателот Мета во која предупредува на евентуален граѓанска конфликт доколку се оди на избори само со една партија, амбасадорот на ОБСЕ без директен одговор.
-Јасно кажавме дека протестите и подигањето на гласот е демократско право и секако овие одговорности се однесуваат на оние кои организираат вакви протести и ја имаат одговорноста за организираното насилство, одговори амбасадорот на новинарско прашање.
