Кривичниот суд достави службена белешка од Обвинителството во која бара да се утврди одговорноста за објавувањето на снимката од рочиштето на обвинетиот Миленко Неделковски за говор на омраза во статусот за Грција што се одржа на 8 мај во Судот.
-М.Н. побарал да се снима неговото судење по што го подигнал цедето со снимениот материјал од Судот и веднаш го објавил на неговиот фејсбук профил. Материјалот бил преземен и објавен и од порталот Инфомакс. Со тоа обвинетиот направил кривично дело „оддавање службена тајна”, бидејќи не е дозволено снимката од судењето да се објавува и користи за цели надовр од кривичната постапка, велат од Судот и сметаат дека снимката треба да се отстрани од порталот.
Според Судот, ова е прв случај на злоупотреба на снимен материјал од судење иако веќе година и половина се снимаат судски предмети во Кривичниот суд кога има барање од странките.
За оддавање на службена тајна е предвидена казна затвор од три месеци до пет години или парична казна и затвор до три години доколку делото е направено од небрежност.
