Изгладнета поларна мечка залута илјадници милји од своето природно живеалиште во Арктикот во рускиот индустриски град Норилск во северниот дел на Сибир.
Видливо слабата и болна мечка лежеше на земја неколку часа откако помина долг пат во потрага по храна. Нејзините шепи беа покриени со кал и повремено се креваше обидувајќи се да намириса храна.
Според локалните жители, ова е првата поларна мечка видена во градот по повеќе од 40 години.
Тим од експерти ќе пристигне во градот денес за да го испита животното и да одлучи за неговата судбина.
Глобалното затоплување и климатските промени ги уништија ледените површини населени со поларни мечки, а животните се принудени да бараат храна на копно, доаѓајќи во близок контакт со луѓето во населените места.
