Познатиот тенор Пласидо Доминго го откажа настапот во Маринскиот театар во Санкт Петербург поради влошена здравствена состојба.
Тој за миг го загубил својот глас непосредно пред да излезе на сцената.
Доминго требаше да учествува во операта „Симон Боканегра” на 25 овој месец.
„Непосредно пред спектаклот, тој одлучи да не се појави на сцената поради делумно губење на гласот. И, поради тоа што одлуката се случи токму пред уметниците да излезат на сцената, уметничкиот директор на Маринскиот театар, Валери Гергиев лично им се извинува на посетителите”, гласи соопштението на театарот.
Веднаш потоа биле почнати преговори со оперскиот пејач за повторно негово гостување во Санкт Петербург наредниве неколку месеци.
„Сите барања за враќање на влезниците на публиката за спектаклот ‘Симон Боканегра’ беа прифатени пред крајот на паузата на спектаклот на 25 јуни“, се вели натаму во известувањето
