Американскиот претседател Доналд Трамп изјави денеска дека германската канцеларка Ангела Меркел е „фантастична личност“ и дека е „среќен што ја има како пријателка“.
Трамп го изјави тоа за време на состанокот со Меркел на маргините на Самитот Г-20 во Осака.
Минатата година германската канцеларка рече дека нема повторно да се кандидира на изборите, а Трамп постојано се жалеше дека Германија ги користи САД во НАТО.
Американскиот претседател рече дека тој и Меркел „имаат многу теми за разговор”, но не посочи дали ќе го покрене прашањето за НАТО.
Меркел рече дека сака да зборува за Иран, борбата против тероризмот и Западна Африка.
