Уругвај ја имаше улогата на фаворит во дуелот со Перу, но ова последно четвртфинале на Копа Америка не донесе победник во регуларните минути, а Перуанците беа поуспешни во пенал серијата. Промашениот пенал на Суарез беше решавачки за Перу да ја добие пенал серијата и да се пласира во полуфиналето на Копа Америка.
Дури три пати Уругвајците ја застресоа мрежата на противникот, но во секоја од тие ситуации имаше офсајд, па со помош на ВАР погодоците не беа признати.
Правилата на Копа Америка наложија директно изведување пенали, а во овој дел поуспешна беше селекцијата на Перу.
Луис Суарез ја отвори пенал серијата и веднаш промаши, а Гереро реализираше, давајќи му предност на перуанскиот состав по првата серија. Следните девет фудбалери реализираа, па напаѓачот на Барселона стана трагичар на својата селекција, а Перу оди во полуфиналето каде противник ќе му биде селекцијата на Чиле.
