Моторџија загина вчера кај Стојаково, откако се забил во камион, информираше МВР.
Според полицијата, сообраќајната несреќа се случила вчера околу 23 часот на раскрсницата од локалниот пат Богданци-с.Стојаково. Тогаш се судриле моторцикл „Баотиан 125″ без регистарски ознаки, управуван од Ѓ.В.(30) од Стојаково и камион”„Мерцедес Актрос” што го управувал С.Б.(42) од Валандово.
На самото место починал Ѓ.В.
Извршен бил увид од Јавен обвинител и увидна екипа од Полициската станица Гевгелија. По наредба на Јавен обвинител телото на починатиот било предадено во институтот за судска медицина во Скопје за обдукција.
