Царински службеници во северниот дел на Индија запленија наркотици во вредност од 390 милиони долари, кои биле прокриумчарени од соседен Пакистан, што е најголема заплена на илегална дрога во таа земја, соопштија денеска официјални лица.
Високиот царински претставник Дипак Кумар Гупта изјави дека во сојузната држава Пенџаб биле запленети 586 килограми наркотици, најмногу хероин, сокриени во 15 торби меѓу 600 вреќи со камена сол, увезена од Пакистан.
Тој додаде дека двајца мажи, вклучувајќи го и осомничениот за увоз на сол, се задржани во притвор и испрашани.
