Со воведувањето на едно невообичаено искуство уште во 2017 година, Neuland платформата која нуди вистински вредности ткаени со слободоумност, безбројни можности и самоопределување, ја започна приказната со Neuland Sensorium, настан кој до ден денес не се заборава. Од арт инсталации и модни ревии до дегустација на невообичаена храна и 3D визуелизација, сето тоа зачинето со огромни зони на Skopje Calling и Ohrid Calling, и многу други необични настани ја заокружија и минатогодишната 2018 година.
Neuland и оваа година ги раздвижува летните ноќи и продолжува да нуди сосема нови искуства. Мултидисциплинарната платформа што ни ги буди сетилата уште од 2017, оваа година е надградена на следното ниво – Neuland Mysterium.
Neuland Mysterium е настан што ќе се одржи на 4 јули, (четврток), со почеток во 20.30 часот во Ragusa 360 Rooftop, и ги повикува оние што бараат вистинска забава исполнета со содржина, контекст и мистерија да влезат во духот на Neuland и да се препуштат на уникатно доживување, преку одреден број карти кои се достапни во скопските кафулиња.
Овој Neuland настан ќе го направи чекорот кон мистериозните сензации и ќе нè испровоцира да излеземе од „комфорната зона“ и да пробаме нешто ново, во оваа летна приказна исполнета со многу активности кои ги разгалуваат сетилата и го исполнуваат духот. Neuland Mysterium ќе понуди различни мултидисциплинарни содржини, од уметнички перформанс и аудио-визуелизации до дегустација на биомолекуларна храна.
Neuland ноќите веќе трето лето внесуваат сосема поинаков пристап на вечерното излегување, концертите и културните настани, нудејќи иновативна интерактивност и креативност што ги буди сетилата и ги разигрува во една нова димензија исполнета со бои, звуци и доживувања.
Сите оние кои сакаат да ги препуштат своите сетила на уживање во вечер полна со мистерија и музичка кулминација, може да побараат влезници во кафе баровите Синдикат, Кантина, Круг, Цреша и Рузвелт. Една влезница важи за две лица и истите се во ограничен број. За подетални информации, посетете ги нивните инстаграм профили.
Влезете во светот на мистериозните доживувања со Neuland Mysterium.
