Властите во Шри Ланка вработија двајца џелати пред планираните егзекуции со кои ќе заврши 43-гoдишниот мораториум на смртната казна во оваа островска држава. Претставник на Министерството за правда рече дека двајца кандидати биле избрани од група од 36 лица кои биле обучени и биле именувани како егзекутори.
Околу 100 луѓе во февруари се пријавиле за овие две позиции.
Претседателот на Шри Ланка, Меитрипала Сирисена минатата недела потпиша наредба за егзекуција на четворица затвореници осудени за злосторства поврзани со дрога, кои наскоро треба да бидат обесени. Ова се случува во период кога расте паниката во врска со злосторствата поврзани со дрогата во Шри Ланка.
Шри Ланка за последне пат извршила егзекуција во 1976 година.Во моментов, 1.299 затвореници чекаат за извршување на смртната казна, од кои 48 се осудени за дрога.
