ВМРО-ДПМНЕ со соопштение до јавноста реагира на соопштението на СДСМ.
„Со СДСМ и Зоран Заев на власт Република Македонија и граѓаните осиромашуваат.
Наместо да растат платите за сите граѓани, со СДСМ и Заев единствено што растат се трошоците за живот, долгот, корупцијата, криминалот и даноците.
Статистиките покажуваат дека дури 500.000 граѓани живеат под прагот на сиромаштијата, реализација на капиталните инвестиции за само 5 месеци изнесува 13,74 проценти, над 70 проценти од граѓаните земаат плата помала од просечната, а над 70 до 80 проценти од младите размислуваат да се иселат од државата.
Граѓаните на своја кожа ја почувствува негрижата и неспособноста на СДСМ.
СДСМ не донесе живот за граѓаните на Република Македонија. И затоа на Македонија и на граѓаните им се потребни промени и тие ќе се случат многу брзо.“
