Во пресрет на парадата за Денот на независноста на САД – 4. јули, во која ќе бидат вклучени воени возила, американската армија ги повика граѓаните на Вашингтон „да не паничат” ако видат тенкови на улиците.
Полковникот Сансет Белински изјави за Си-Би-Ес дека жителите на главниот град „ќе видат возила што се движат во нивно место, но не треба да паничат”.
Тој не прецизира каде ќе се наоѓаат тенковите во центарот на градот. На парадата по барање на претседателот на САД, Доналд Трамп ќе учествуваат борбени авиони Ф-35 и Ф-18, хеликоптери на армијата и на крајбрежната стража. Две борбени возила се забележани денеска во близина на меморијалниот центар Линколн каде Трамп ќе има говор.
