Истрагата за убиство нА Мајда Гаровиќ (81) се уште е во тек, но според неофицијални информации, осомничената Јелена Шпаговиќ Дујовиќ (25) ја убила поранешната сосетка бидејќи ѝ должела 2.500 евра, што се испитува, како еден од можните мотиви на кривичното дело.
Според полицијата, Гаровиќ била убиена на 15 јуни кога излегла од својата куќа во Земун и повеќе не се вратила. Не е познато како била убиена стрицата, но откако Јелена ја убила, го повикала својот брат Момчило Дујовиќ (21) да ѝ помогне да се реши од телото. Двајцата ја транспортирале жената до населба близу Земун каде ја фрлиле во контејнер и ја запалиле.
Според соседите на двете семејства, Јелена околу една година не живее во куќата, а не се знае кога и зошто девојката позајмила пари од сосетката. Она што е јасно од социјалните мрежи дека двете жени останале во контакт откако Јелена се развела од сопругот и си заминала.
По апсењето на Јелена и Момчило Дујовиќ, нивниот татко Сашо Дујовиќ, пратеник и висок функционер на „Српската десница” и советник во Министерството за труд по објавата на информацијата дека неговите деца се уапсени, поднесе оставка на сите функции.
