Руските воени специјалисти во Венецуела ги завршија своите задачи и нивното можно враќање ќе зависи од потребата да се сервира воениот хардвер, изјави во неделата рускиот заменик-министер за надворешни работи Сергеј Рјабков, пренесува ТАСС.
„Задачите со кои се соочија групите кои работат тука се завршени. Ако ситуацијата бара дополнителни напори или приспособувања, тоа ќе биде направено. Не гледам причина да продолжам бесконечно да разговарам за темата на руските воени експерти. Тоа не е проблем”, рече тој.
На прашањето дали руските експерти за одржување повторно би можеле да бидат испратени во Венецуела, тој одговори потврдно.
