Ајакс заработи богатство на Де Лигт и веднаш му најде замена

Ајакс минатата недела за 85,5 милиони евра го продаде фантастичниот стопер Матијс де Лигт на Јувентус и веќе му најде замена.

Челниците на клубот од Амстердам засилувањето го најдоа во Мексико, поточно кај прволигашот Клуб Америка.

Станува збор за Едсон Алварез кој дојде во Амстердам со отшета од 15 милиони евра и потпиша петгодишен договор.

Алварез неодамна играше за репрезентацијата на Мексико на Голд купот кој и го освоија. Дваесет и едногодишниот дефанзивец има одиграно 107 натпревари за Клуб Америка, а за репрезентацијата настапил 28 пати.