Младата ѕвезда на Реал Мадрид, Марко Асенсио, може да ја заврши сезоната 2019/2020 пред уште таа да започне.
Шпанецот играше само 20 минути во контролната со Арсенал, во која постигна гол, асистираше за уште еден, но го напушти теренот со тешка повреда во 65-тата минута.
Тој се сруши на теренот по дуел со Пјер-Емерик Обамејанг и се фати за коленото. Фудбалерот веднаш се расплака, а лекарите го однеле во болница пред крајот на мечот.
Треба повеќе истражувања да се направат, но сомнежите се поврзани со искинати лигаменти. Ако оваа дијагноза е потврдена, Aсенсио нема да биде на теренот во следните 9 до 10 месеци.
– Ние сме малку загрижени за ситуацијата на Марко. Има проблем во коленото, тој има ужасна болка. Веднаш го испративме во болницата за тестови. Откако ќе завршат ќе имаме повеќе јасност што се случило, рече тренерот на тимот, Зинедин Зидан.
