Попладнево корисниците на платежни картички на Комерцијална банка се соочија со проблеми при плаќањето, како и при вадење пари од банкоматите поради технички проблем на банката. Системот се уште не функционира, по што Комерцијална банка излезе со соопштение со кое ги известува своите клиенти дека поради технички проблем не се достапни сите сервиси на банката.
„Се работи на негово најбрзо отсранување. Сите податоци и сите сметки на клиентите се безбедни. Се извинуваме за настанатата ситуација“, стои во соопштението на банката.
