Новата Агенција за примена на јазикот што го зборуваат најмалку 20% од граѓаните на Северна Македонија објави оглас со кој вработува 13 државни службеници на различни позиции.
Во огласот се бараат по еден државен советник за преведување и лекторирање. Пишува дека е предвидено за тие позиции нето-платата да биде 37.968 денари.
Се бараат и државен советник за соработка со Владата и односи со јавност за иста плата од 37.968 денари.
Останатите позиции се: раководители на секторот за поддршка на директорот за плата од 36.930 денари, раководител на секторот за планирање, координација и развој, раководител на сектор за превод и лекторирање, на одделението за соработка со Владата, на одделение за превод, раководител на одделение за лекторирање…
Со огласот се бараат и советник за следење, унапредување и заштита на примената на јазикот кој го зборуваат најмалку 20% од граѓаните, соработник за следење, унапредување и заштита на примената на јазикот кој го зборуваат најмалку 20% од граѓаните, помлад соработник за информатичка поддршка, помлад соработник за соработка со Владата…
