Жител на кичевското село Црвевци бил убиен во својата куќа, информираше МВР.
Станува збор за Б.Б.(75) чие тело вчера околу 14 часот во неговиот дом го пронашол С. Џ.(59) од селото.
-Во текот на вчерашниот ден, дежурен јавен обвинител од Основното јавно обвинителство Кичево заедно со службени лица од полицијата, по пријавен настан изврши увид на лице место во семејна куќа во село Црвевци, кичевско каде беше пронајдено починато лице. Починатиот, 75-годишен жител на селото живеел сам во куќата. Поради сомнение за причините за смртта која настапила кај лицето, јавниот обвинител нареди обезбедување на трагите на лице место и вршење обдукција на телото на починатиот. Од обдукцијата произлезе дека починатиот настрадал од насилна смрт – давење. Во насока на целосно расчистување на кривично правниот настан, денеска по издадена наредба на обвинителството повторно се врши увид на лице место со цел прибирање траги и докази од местото каде е извршено кривичното дело, соопшти ОЈО.
