Принцот Хари откри дека планира да има најмногу две деца, поради својата загриженост за иднината на планетата.
Во разговор со активистката и експерт за шимпанза, Џејн Гудал, за специјалното издание на британскиот „Вог“, војводата од Сасекс на прашањето колку деца планира да има со сопругата Меган, одговори – најмногу две, пренесе „Си-ен-ен“.
Принцот Хари рече дека сите мораме да се потсетиме дека сме како жаба во врела вода и дека тоа е застрашувачко.
Тој призна дека неговиот став кон планетата се променил по раѓањето на принцот Арчи, но секогаш сакал да се обиде да ја зачува планетата, па дури и пред да планира да има деца.
