На 03.08.2019 во 08,10 часот во Полициската станица Карпош А.И.(46) од Скопје пријавила дека на ул. “Ристо Равановски“ во нивниот дом со давење ја убила нејзината мајка В.И.(74). Од страна на полициски службеници од СВР Скопје излезено било на местото на настанот и во домот било затекнато починатото лице, а од страна на лекар од Итната медицинска помош констатирана била смрт. По наредба на јавен обвинител телото на починатата било дадено за обдукција, а А.И. е задржана во полициска станица.
