Северна Кореја издаде поштенски марки на кои се претставени американскиот претседател Доналд Трамп заедно со лидерот на Северна Кореја, Ким Џонг-ун.
Според медиумите, на овој начин земјата сака да ја прослави годишнината од состанокот на двајцата лидери.
Поштенските марки беа издадени на 12 јуни, на годишнина од нивната прва средба во Сингапур.
Тие вклучуваат фотографии од ракувањето на Ким и Трамп, потпишување на договорот и целосен текст на изјавите, пренесуваат медиумите.
На крајот на јуни, еден месец по последната средба на двајцата лидери во демилитаризирана зона, беа издадени марките со кои се прославува средбата.
