Љупчо Стојановски, дедото на малата Тамара, која почина откако државата не ја испрати навреме на операција на р’бетот во странство, останува со казна затвор од седум години и шест месеци. Одлуката на Апелациониот суд е испратена до Кривичниот суд.
Вака потврди Апелациониот суд денеска на жалбата на првостепената одлука и известувањето е испратено до Кривичен суд и казната треба да стане извршна.
„Апеалциониот суд – Скопје до Основниот кривичен суд – Скопје ја достави пресудата КЖ. Бр. 259/19 со која во целост ја потврдува првостепната пресуда на кривичниот суд со К.бр. 1989/18 против Љ.С. за кривичното дело Убиство по член 123 ст.1 в.в со чл.19 од КЗ“, информираа од Кривиниот суд.
Станува збор за кривично дело сторено на 01.06.2017 – та година пред Министерството за здравство за што со првостепената пресуда обвинетиот беше огласен за виновен и осуден на казна затвор во траење од 7 години и 6 месеци.
Стојановски сакаше да пука врз Никола Тодоров на неговиот последен ден како министер за здравство, односно на денот кога тој требаше да ја предаде министерката функција на 1 јуни 2017.
Стојановски имаше право на жалба на првостепената пресуда пред Апелацискиот суд во Скопје. Тој претходно од овој суд доби преиначување на првостепената пресуда за нелегално поседување оружје, и од условна казната му беше сменета во ефективна – една година затвор, по признанието на вина.