Долготрајниот правен спор околу родната куќа на Адолф Хитлер во Браунау, помеѓу Република Австрија и поранешната сопственичка, заврши со отфрлање на жалбата против решението за национализација.
Откако австрискиот парламент во 2016 година донeл одлука за одземање на куќата, односно национализација, сопственичката се обидела да ја оспори на суд и да побара поголема отштета.
Жалбата на поранешната сопственичка сега е одбиена пред Високиот суд во Виена.
Вишиот суд во Линц во април ја укина одлуката на провинцискиот суд во Рид да ја зголеми висината на отштетата на 1,5 милион евра.
Судот сметал дека е доволна висината на отштетата од 812.000 евра, која државата веќе ја исплатила.
Поранешната сопственичка се пожалила на Високиот суд во Виена, но жалбата беше одбиена, соопшти австриското Министерство за внатрешни работи.
