Џенифер Лопез одржа концерт во Анталија
Светски познатата пејачка Џенифер Лопез одржа концерт во турскиот град Анталија, јавува Anadolu Agency (AA).
Лопез настапи во туристичкиот центар Белек, а на концертот изрази задоволство што по неколку години повторно се наоѓа во Турција.
Таа нагласи дека многу го сака градот Анталија, и додаде: „Ми недостигаше вашата земја“.
Концертот траеше околу 2 часа, а на него присуствуваа околу 2.500 лица.
Лопез за време на концертот ги интерпретираше своите најпопуларни песни меѓу кои и новата песна „Medicine“, како и „On The Floor“, „Aint It Funny“ и „Love Don’t Cost a Thing“.
Таа привлече внимание и со нејзниот танц и костуми, а за своите обожаватели имаше и изненадување во кое заедно со нејзината ќерка Ема Ентони изведе дует.
