Повеќе од 500.000 Рохинџи, бегалци кои живеат во импровизирани кампови во Бангладеш, добија документи за лична идентификација, соопшти денеска Агенцијата на ОН за бегалци.
„До денес, повеќе од 500.000 Рохинџи бегалци од Мјанмар заеднички се регистрирани од бангладешките власти и УНХЦР”, се посочува во соопштението од таа агенција.
Регистрираните, по првпат, имаат доказ за својот идентитет – безбедни лични карти.
– Бангладешките власти и УНХЦР за бегалците постари од 12 години издадоа беиометриски лични карти, кои не можат да се фалсификуваат. Прецизни податоци ќе им помогнат на агенциите во нивните програми на планирање, посебно за категориите со специфични потреби, како што се жени, деца и луѓе со хендикеп”, се истакнува во соопштението.
