Холивудскиот актер Ричард Гир ги посети мигрантите кои повеќе од една недела се заглавени на Медитеранот на бродот управуван од шпанска хуманитарна група.
На бродот „Опен армс“ има 121 мигрант, а познатиот актер им обезбеди храна и други резерви.
Гир (69) на бродот донел кутии со овошја и разговарал со неколку мигранти кои избегале од Либија.
Славниот актер го повика светот да им даде поддршка и да им помогне на луѓето на бродот, нарекувајќи ги „браќа и сестри“.
Гир е познат по својата хуманитарна работа и учествува во кампањи за заштита на животната средина.
