На средина на туристичката сезона, Јадранското Море секој ден станува сè позагадено, а експертите веруваат дека поради ваквата состојба на капачите им се закануваат и многу зарази, пишува хрватски „Индекс“.
Најпроблематична е состојбата во, за многумина, најубавиот хрватски град, Дубровник.
Во втората половина на јули е забележано значајно излавање на отпадни води кај Дубровник, па инспекторатот за заштита на животната средина им наредил на градските власти да воведат забрана за пливање на плажа во Колочеп.
„Во морето има се повеќе фекалии, но тоа може да се реши со носење на соодветни регулативи“, вели за „Индекс“, Жарко Кобоевиќ од поморскиот оддел на Универзитетот во Дубровник.
Тој додава дека хрватската страна на Јадранот е се позагадена пропорционално со зголемувањето на бројот на чамци и јахти.
Кобоевиќ како можно решение го наведува примерот на Калифорнија, која во однос на фекалиите го прогласи целото крајбрежје како „No discharge“ зона, што значи дека е забрането испуштање фекалии од пловилата во морето.
„Калифорнија успеа да го реши ова прашање со тоа што предвидува дека фекалиите од бродовите мора да се пренесат во тоалети на марината. Значи, решенија сепак постојат“, потенцира Кобоевиќ, кој проблемот го гледа во непрецизните регулативи кои се на сила во Хрватска.
