Обвинителката од СЈО, Лиле Стефанова ќе даде исказ за ,,Рекет”
Обвинителката од СЈО, Лиле Стефанова, која го води предметот „Империја”, денеска треба да даде исказ во Јавното обвинителство за случајот „Рекет”.
Обвинителството заради доверливоста и успешно водење на истрагата не соопштува однапред кои дејствија и кога ќе бидат преземени, но најавите се дека по Стефанова во Обвинитекството треба да биде повикана и специјалната обвинителка Катица Јанева. Јавниот обвинител Љубомир Јовески изјави дека сите инволвирани ќе бидат неселективно сослушани или распитани.
Јанева и Стефанова беа спомнати во снимените разговори и видеата што ги објави интернет изданието на италијанскиот весник „Ла Верита”, а во врска со случаите „Рекет” и „Империја”.
