Макс Келикипи (16) кој сурфал на плажата Макаха на Хаваи, забележал нешто во водата како се движи околу гребенот.
На почетокот тој помислил дека се работи за желка, но наскоро сфатил дека станува збор за ајкула. Келикипи веднаш ги извадил двете нозе од водата за да не биде лесен плен за предаторот.
Ајкулата тргнала директно кон него, туркајќи го од даската за сурфање.
„Одгриза огромно парче од мојата даска“, рече тој. „Ако нозете ми беа малку повисоко на даската ќе ми ги одгризеше и прстите“.
Келикипи тогаш почнал да плива назад кон брегот. „Живот или смрт беше. Избрав живот“.
Според него ајкулата била долга околу три метри. На плажата се поставени знаци кои ги предупредуваат посетителите за присуството на ајкули во плитката вода.
Келикипи рече дека не планира да се откаже од сурфањето, но нападот го натерал да биде повнимателен во иднина. „Ако одите да сурфате, одете со некој што добро ја знае областа“, рече тој.
„И не паничете. Тоа го убива луѓето“.
