Бугарската полиција почна да истражува неколку закани за бомби испратени преку е-пошта до медиумски куќи во Софија и до најголемите аеродроми во земјата, пренесува БНТ.
Екипи на специјалните единици бараа експлозив на аеродромите во Софија, Пловдив, Варна и Бургас, како и во редакциите на бугарската државна телевизија и водечкиот весник „24 часа“, но ништо не нашле.
Полицијата соопшти дека очигледно е дека целта на заканите била да се наруши нивната работа. Тие кои ги испратиле заканите користеле средства за прикривање на идентитетот на интернет и на провајдерите лоцирани надвор од Бугарија, навела полицијата.
Според информациите, слични пораки вчера биле испратени до аеродромите и медиумските куќи во други земји на ЕУ, не наведувајќи кои држави се во прашање.
