Младата кралска двојка заедно со тримесечниот принц Арчи поминаа една недела во луксузна вила на Ибица , за што платија 120 000 евра. Во истата вила летувале и Пол Макартни и ДиЏејот Дејвид Гета. Вилата Sa Calma на имотот Vista Alegre , недалеку од местото Ес Кубелс се наоѓа на југозападниот дел на островот .

Има базен долг 50 метри со поглед кон морето , седум спални соби , теретана, џакузи , тераса за вечерање, канцеларија…

На располагање на оние кои отседнуваат во вилата им се менаџер за персоналот , готвач со послуга , како и џип Ренџ Ровер со возач и ноќна служба за обезбедување. на барање може да се изнајми и бармен, козметичарка , масер, дадилка , личен тренер и инструктор за јога , како и да се изнајми јахта со екипаж.

И покрај различните варијанти за услугите , Хари и Меган си донеле сопствен готвач , кој се грижел за нивната исхрана на Ибица , а ангажирале и дополнителни шпански телохранители , освен оние кои со нив дошле од Британија.

Меган и Хари предизвикаа остри реакции во јавноста по вестите дека на одморот во Ибица , а неколку дена подоцна и на тридневен престој на Ница во вилата на Елтон Џон , патувале со приватни авиони.

Само во 11 дена четири пати летале со скапите приватни летови , што ја подели британската јавност.