Бразилскиот претседател Жаир Болсонаро денеска изјави дека спогодбата на Г7 за борба против пожарите во Амазонија овој регион го третира како колонија.
Францускиот претседател Емануел Макрон претходно денеска објави дека Г7 се согласила да издвои 20 милиони долари за борба против пожарите, како и за долгорочната иницијатица за заштита на прашумата, пренесоа американските медиуми.
Макрон денеска меѓудругото го обвини Болсонаро за пожарите во Амазонија и повтори дека лаже во врска со промената на неговата политика кон климатските промени и сечата на шумата.
Болсонаро потоа кажа дека смешните и непотребни напади на Макрон за Амазонија се неприфатливи и го обвини дека регионот го третира „како да сме колонија”.
